Archibald MacLeish

Archibald MacLeish (Glencoe, 1892ko maiatzaren 7a - Boston, 1982ko apirilaren 20a) Estatu Batuetako olerkaria izan zen.

Lehen Mundu Gerran parte hartu ondoren, Zuzenbideko ikasketak egin zituen Harvard Unibertsitatean. Parisen bizi izan zen, eta han zegoela (1923-28) hasi zen poesia idazten. Garai horretan, Poundek eta Eliotek eragin nabarmena izan zuten MacLeishen literatura-lanetan. Bere obra nagusiak: ''The Pot of Earth'' (1925, ''Lur ontzia''); ''The Hamlet of A MacLeish'' (1928); ''Konkistatzailea ''(1932, Pulitzer saria, Bernal Díaz del Castilloren ''La Verdadera historia de los sucesos de la conquista de la Nueva España'' obran oinarritua). 1952an, ''Collected Poems'' (1917-1952) izeneko lanak argitaratu zituen, eta ondoren ''J. B.'' (1958) eta ''Herakles'' (1967), ''Poetry and Experience'' (1961) saiakera-liburuak, eta beste olerki-liburu bat: ''The Wild Old Wicked Men and Other Poems'' (1968). Azken lanen artean aipagarriena ondorengo lana da: ''The Human Season; Selected Poems'' (1972, ''Gizakiaren sasoia; poema hautatuak''). Wikipediatik informazioa lortu